Aste oparoa datorkigu Hizkuntzalaritza eta Euskal Ikasketak Sailean, astelehenean Céline Mounoleren tesi defentsa izango dela iragarri banuen, jakin berri baitut asteartean Iñigo Arteatxek berea defendatuko duela:
Datorren astelehenean, hilak 12, Céline Mounole irakaslearen doktore-tesiaren defentsa ekitaldi publikoa izango da. Tesiaren gaia euskal aditz zaharraren azterketa da, bereziki XVI. mendeko testuak oinarri harturik.
Azaroaren 30ean ETB-1ek “Euskararen jatorria: enigma europar bat” izeneko dokumentala eman zuen.
Handik gutxira dokumentala ikus zitekeen EITB nahieran atarian eta baita, hurrengo egunetan, beste leku hauetan ere:
Nik neuk dokumentala telebistatik grabatu nuen eta FiloBlogiaren irakurleen eskura jarri nahi dut, kalitate handiko TS formatuan jaisteko eta gordetzeko moduan, batez ere telebista-pantaila batean ondo ikusi nahi duenarentzat:
Bestalde, ZuZeu albistarian dokumentalari buruzko iritziak plazaratzen ari dira, eta beste toki batzuetan agertu direnak hara eraman dituzte, eztabaida luze eta interesgarri bat sortuz.
CC-BY psyberartist-en argazkia
Lotutako sarrerak:
Fontes Linguae Vasconum aldizkariak 113. zenbakia (2011) argitaratu du. Hau da zenbakiaren aurkibidea:
Hasier Etxeberriaren bidez jain berri dudanez, “Euskararen jatorria: enigma europar bat” dokumentala azaroaren 30ean emango dute ETBn, eta ez abenduaren 3an, lehenago iragarri zuten bezala.
Hasier Etxeberriak ZuZeu-n iragarri duenez, “Euskara: enigma europar bat” dokumentala ia amaiturik dago eta abenduaren 3an, Euskararen Nazioarteko Egunean, ETBn ikusi ahal izango dugu.
Bideo honetan utzi digu Hasier Etxeberriak dokumentalaren azken grabazioetakoa, Lekeitioko Kaixarranka dantza Guggenheim museoaren ondoan:
Dokumentalean parte-hartze txikia izan dut. Plazer bat izan zen Hasier, Maider eta Juanferekin fakultatearen ondoan grabatzen egon ginenekoa. Besteak beste, hizkuntza “zaharrez” dagoen gaiki-ulertzea, Gerhard Bähr euskalari alemaniarra, euskararen eta iberieraren ustezko ahaidetasuna eta hizkuntza isolatu bat zer den izan nituen hizpide.
Orain abenduaren 3aren zain, dokumentala ikusteko irrikitan.
Atzo, Gasteizko Letren Fakultatean, Norantz proiektuaren lehen emaitzak aurkeztu zizkiguten Iker taldeko Irantzu Epeldek eta Jasone Salaberriak.
Aretoan hainbat ikasle eta irakasle bildu ginen eta, hasierako arazo tekniko batzuk konpondu ondoren, hitzaldi interesgarri eta iradokigarri bat entzun genuen. Irantzu eta Jasonek azaldu ziguten Norantz datu-base linguistikoa zertan den, azken bi urte eta erdi honetan nola lan egin duten, eta hortik Iparraldeko euskarari buruz behin-behineko zein emaitza atera dituzten.
Halaber, proiektuaren webgunea aurkeztu ziguten, baita bertan bilaketa egokiak egin ahal izateko aholku zehatzak eskaini ere, adibide batzuk harturik.
Hitzaldira joateko aukerarik izan ez zenutenok informazio pixka bat izan dezazuen (eta joan zinetenontzat oroigarri), hona hemen atzoko hitzaldian erabili zen aurkezpena (bertan entzun genituen grabazio zatiak falta dira, arazo teknikoengatik berriro ere):
Norantz – Gasteizko aurkezpena 2011-11-2
Mila esker Irantzu eta Jasoneri Gasteizera beren lanaren berri ematera hurbiltzeagatik eta mila esker, orobat, Beñat Oihartzabali, guztiz beharrezkoa zen Norantz proiektua abiarazteagatik!
Hitzaldia: Euskalkien norabidea Iparraldeko gaurko egoeran.
Iker laborategia (CNRS)
Eguna/ordua: azaroaren 2an, arratsaldeko 4etan
Non: Letren Fakultatean. Gela laster iragarriko da.
Gaia:
Azken hiru urteetan Baionako IKER zentroan gauzatu den egitasmo baten lehen emaitzak erakutsi nahi dira hitzaldi honetan: “NORANTZ: hizkuntza kontaktua eta aldakortasuna Iparraldeko gaurko euskaldunetan” du izenburua proiektuak, eta helburua izan da gaur egungo Iparraldeko euskaldunen gramatika oinarriak, joera handienetan, zer bidetatik doazen ikustea, eta datu-base batean bildurik erakustea, gisa horretan euskal hizkeren gramatikaren bilakaeraren behatoki bat sortzeko asmotan.
Ianua. Revista Philologica Romanica aldizkariaren 10 zenbakian (2010), Donostiako XIX. mendeko hizkuntza egoerari buruzko artikulu bat argitaratu da:
Artikulu osoa jaitsi daiteke PDF formatuan.
Revista española de lingüística aldizkarian, 40:1 zenbakian (2010), euskal aditz perifrastikoen sorreran latin berantiarrak izan zuen eraginari buruzko artikulu bat argitaratu da:
Nire lotura deliciousak
Mezuak
Ricardo Gómez