Orain dela ia lau urte, euskal gramatikagintza zaharraren kronologia edo denbora-lerro bat prestatu nuen, XVII-XIX. mendeetako euskal gramatika-lanei buruzko informazio behinena modu erraz eta erabilgarrian biltzeko asmoz. Horretarako, Xtimeline sareko baliabidea erabili nuen, Joxe Aranzabalen blogean ezagutu ondoren.
Hala ere, azken hilabeteetan Xtimeline-n diseinu aldaketa batzuk egin bide zituzten, eta harrezkero ez zitzaidan gustatzen kronologia nola ikusten zen. Zorionez, helburu berdina duen Dipity baliabideaz irakurtzen hasi nintzen, lehenik Wwwhat’s new blogean eta batez ere, oso argi azalduta, Ana Basterraren blogean; askoz baliabide egokiagoa iruditu zitzaidan eta nire kronologia hara aldatzea erabaki nuen, nahiz eta denbora faltagatik ez nuen egin atzo arte.
Beraz, hemen duzue euskal gramatikagintza zaharraren kronologiaren bertsio berria. Zuzenketa txiki batzuk egin ditut, baina funtsean lehengo bertsioaren jarraipena da:
Aurreko bertsioarekin egin nuen bezala, dei bat egiten dut ea inor animatzen den ingelesezko bertsioan laguntzera. Bestalde, denok parte har dezakezue kronologian zuen ohar eta iruzkinak utziz; jakina, blog honetan ere idatzi ahal dituzue.
Aurrerantzean “Euskal gramatikagintza zaharraren kronologia” moduan agertuko da alboko barrako esteketan, nahi duzuenean eskura izan dezazuen.
Lotutako sarrera:
Mezuak
Ricardo Gómez
Ricardo, bizkaitarra zarenez gero, argi eta labur esango dizut: zu zara nagusia! Bi mila esker eta bat gehiago.
Eskerrik asko, benetan, Ricardo. Orain, baten batek testu guztiak eskaneatu eta ORT bihurtuko balitu, bilaketak erraz egiteko, denok loriatuko ginateke.
Ez pentsa zuri halakorik eskatzen nagoenik, e!